Tusassimi Bankivimmilu ullormut kulturisiorfimmut nuannersumut aliikkusersuiffiusumullu ornigutigit!
Bankiviup qanimut suleqatigineratigut soqutiginartunik sammisassaqarluartumut, pissanganartunillu eqqugassalinnut misigisassanullu nuannersunut ilaqutariit qaaqquavut. Ullormi tassani meeqqat inersimasullu nuannisaqatigiissinnaapput – taamaammat aggialluarisi peqataallusilu.
Ullormut pilersaarutit
14:00 – Matut ammassapput
• Meeqqat pisuussutinik ujarlernerat: Tusassip pisiniarfiani Bankiviullu inaataani postit nuannersut atorlugit paasisassarsiorit. Unammisitsinermi peqataallutit naggaseruk, tassani ukiumi ataatsimi meeqqanut atuisuuffimmik akeqanngitsumik kiisalu ilaqutariinnut tamanut biograferiarnissamut bilitsinik eqquisinnaavutit!
• Bankivimmut pulaartut siulliit puussiamik pinnatassaqarput!
• Tunissutit akeqanngitsut: Puussiaq tupaallannartunik annikitsunik imalik tusass-imiit.
• Onlinekkut unammisitsineq: Pulaartunut WiFi-tsinnut iseriarlutit ukiumi ataatsimi akeqanngitsumik mobiilimi atuisuuffimmik 50 GB-imik imalimmik eqquinissamut unammisitsinermi peqataagit.
• Sassaalliutissat: Kaffi, tii, safti kaagillu.
• Nipilersorlutik aliikkusersuisussat: Hinnarik Kammanilu toqqaannartumik appisimaassapput nuannisaartitsissallutillu.
15:00 –Tusass Music Awardimik agguaassineq
Ukioq manna siullermeersumik, Tusass Music Awards nersornaatinik agguaassinitsinni, malinnaagit!
16:15 –meeqqanut unammisitsinermi ajugaasut suaarutigineqassapput
Kina eqqugassamik pissanganartumik eqquinersoq paasiguk!
16:30 –Onlinekkut unammisitsinermi eqquisoq suaarutigineqassaaq
Ukiumi ataatsimi akeqanngitsumik mobiilimi atuisuuffimmik 50 GB-imik imalimmik kina iluatsitsilluni eqquissava?
17:00 –Ullumikkut qujanaq
Matut matussapput, ullormut nuannisaqatigisinnaagatsigit qujanaq!
Ullormi puigunaatsussami ilaqutariit tamarmik nuannisaaqatigiinnissaanni takunissassinnut qilanaarpugut!