Arctic Hubimi unnuk kulturisiorfik

Arctic Hubimi unnuk kulturisiorfik – Oqaluttuatoqqat anersaallu taartumi misigikkit
Ilisimatusarfigineqarsinnaasut amerlaqaat, taakkualu ilagaat uagut kulturerput. Unnummi kulturisiorfimmi Arctic Hub Ane Marie Ottosenip taartumi qulliup qaamarngani oqaluttuarneranik meeqqanik inersimasunillu tusarnaariaqqusissaaq.
Kulturi oqaluttuarisaanerlu pillugit qanoq ilisimatusartoqartarnera pillugu tusagaqarsinnaavutit, Maria Kreutzmannilu uumasut eqqumiitsut pillugit ersinartulersaaqatigisinnaavat. Ersivallaanngikkuit uumasut ilaat taartumi naapissinnaavatit.
Sumi: Pikialaarfik, Kivioq 5, Nuuk
Qassinut: Nal. 14-18, januaarip 18-iat 2025