KALAALLIT NUNAATA POLITIIVI UNNUMMUT KULTURISIORNERMUT INNUTTAASUNIK QAAQQUSIPPUT
KALAALLIT NUNAATA POLITIIVI UNNUMMUT KULTURISIORNERMUT INNUTTAASUNIK QAAQQUSIPPUT / GRØNLANDS POLITI INVITERER BORGERE TIL KULTURNAT
Arfininngorpat Nunatsinni unnuk kulturisiortoqassaaq. Taamaammat politeeqarfigut arlallit arfininngorpat 17.00-20.00 Paamiunilu 19.00-21.00 ammassapput.
Nuummi Politeeqarfimmi sillimasuusut, sulianik misissuisartut politiitullu ilinniarfik takusinnaavatit. Politiini sulineq pillugu aammalu qarasaasiatigut pinerliisarnerit pillugit annerusumik tusagaqarsinnaavutit, nalorsitsaarinermut peqataallutit soorngunalumi sakkugut, atortugut aammalu qamuteralaat biiligullu nittarsaatissavagut. Nuummi Politeeqarfik 17.00-20.00 ammassaaq, matulli nalunaaqutaq 19.30 matuneqassapput.
Aammattaaq arfininngorpat politeeqarfiit allat pulaarfigineqarsinnaassapput. Innuttaasut politiinik naapitsisinnaassapput sulineq kiisalu ilinniarneq pillugu apersorsinnaallutik aammalu politiit biilii politiillu atortui takusinnaassallugit.
Politeeqarfiit tamarmik immikkut aaqqissuissapput politeeqarfiup annertussusaa sulisuilu apeqqutaallutik.
Kaffeqassaaq, safti kaagillu.
OBS. Sisimiut unnuk kulturisiornermi peqataassanngillat illup iluarsartuunnera pissutigalugu.
Unnuk kulturisiorfimmi aammattaaq ulloq taanna Unnerluussisussaatitaasut sulianik, Kalaallit Nunaanni eqqartuussivimmi, eqqartuussisoqarfik Sermersuumi aammalu Nunatta Eqqartuussisuuneqarfiani, suliarinnittarneri pillugit annerusumik paasisaqarnerusinnaavutit.
Arfininngorpat Eqqartuussisoqarfiup iniutaani nal. 14.00 aammalu Nunatta Eqqartuussisuuneqarfiata iniutaani nal. 17.00 sulianik suliarinnissapput.
// Kalaallit Nunaata Politiivi