Kalaallit Nunaanni Peqqinnissaqarfik / Det Grønlandske Sundhedsvæsen
Unnummi kulturisiorfimmi Peqqinnissaqarfik alakkarsiuk!
Unnummi kulturisiorfimmi januaarip ulluisa 24-ianni Dronning Ingridip Napparsimmavissua Inuunerissavillu Steno tamanut tikilluaqqusipput.
Inuunerissaavik Steno alakkaruk – nal. 12-14 ammassaaq
Inuunerissaavik Steno-ip illutaa nutaaq Qatserisut 7 nal. 12-14 ammassaaq. Tassani nalorsitsaarinermi peqataasoqarsinnaavoq, sullissiviit assigiinngitsut takuniarneqarsinnaapput, aap sukkoqassusaa uuttorneqarsinnaavoq, ilisimatusarnermi suliniutit assigiinngitsut paasisaqarfigineqarsinnaapput, nerisassanik peqqinnartunik marmartunik misiliisoqarsinnaavoq, paasissutissiissumik filmertoqarsinnaavoq, ini sungiusarfik misilinneqarsinnaavoq imal. puaat sulisinnaassusaat misilinneqarsinnaalluni.
Dronning Ingridip Peqqissaavia nal. 14-17 ammassaaq
Ukioq manna kingunut napparsimmavik bamsinut peqqissutsikkut misisortittarialinnut tamanut ammassaaq. Bamsiutit nuannarisat nassarlugu aggerlutit peqqissaasunngornianut, meeqqanik bamsinillu isumaginnilluarnissamut piareersimasunut oqaloqatigiissutigalugulu misissortiguk. Ukioq manna Bamsit napparsimmaviat nakorsiartarfimmi inini qullerniissaaq (qanga Inuunerissaaviusimasumi ) Napparsimmavimmi immikkoortuni meeqqanut inersimasunullu assigiinngitsunik sammisassaqassaaq. Takunissarsi qilanaaraarput!
Biilinik inissiineq isaariarlu Nakorsiartarfiup napparsimasunullu akunnittarfiup eqqaanni biilinik inissiisoqarlunilu isertoqarsinnaavoq