Paasissutissat

Unnuk kulturisiorfik

Unnuk Kulturisiorfik 2022 taamaatinneqarpoq Nunatta Atuagaateqarfiata aqutsisui nalilersuilluarsinnarlutik imaannaanngitsumik aalajangerput, tassalu Unnuk Kulturisiorfik 2022 arfininngornernermi januaarip 22-anni pisussaagaluartoq taamaatiinnarniarlugu. Nunatsinni kulturikkut pikialaartitsisarnerit annersaasa ilaat Unnuk Kulturisiorfik Nunatta Atuagaateqarfiata 2000-imili aallartitaraa ataqatigiissaarisuuffigisarlugulu. Covid-19 peqqutaavoq. Takorloorsinnaagatsigu Unnuk Kulturisiorfiup anersaava atorlugu naammaginartumik illersorsinnaasumillu pisussaq ataqatigiissaarsinnaallugu. Siunissaq nalorninartoqarsinnaaqimmat taavalu pilersaarutit naatsorsuutigineqarsimagaluartut unitseriataarneqarsinnaammata. Nunatsinni ukiumut ataasiarluta Unnuk Kulturisiorfik ingerlattarparput. Ukiuni kingullerni 20-ni Unnuk Kulturisiorfik inuppassuarnik qiimasunik ornigarneqarluartarsimasoq, pisortat suliffeqarfiutaannut, suliffeqarfissuarnut, kulturilerisut pikialaartitsinerinut, peqatigiiffinnut suliniaqatigiiffinnut allarpassuarnullu tassa ukioq manna pisinnaajunnaarpoq.

Aaqqissuisunut

Aaqqissuisunut

Ilisarnaat

Ilisarnaammi qalipaatit atorneqartut nunatsinni qalipaatit allanngorartarnerat aallaavigaat. Aasami naasut uumasullu qorsunnik tunguusanillu allanngorartitaartut. Qaqqat, kangerluit iluliarsuillu tungujuaartunik allanngorartitsisut. Illoqarfiit nunaqarfiillu illunngui qalipaatigissaartut arsarnerillu soorlulusooq qalipaatinik ataqatigiissaariinnartut, soorlu tassa Unnuk Kulturisiorfik ukiup taarnerpaaffiani qaammarissigaangami. Unnuk Kulturisiorfiup nunarput tamaat ataatsimuulersittarpaa. Taamaattumik pingaartipparput ilisarnaammi nunap atuinnarnissaa. Ilisarnaammi killit erseqqissut takutinniarpaallusooq pinngortitap peqqarniissinnaanera ilulissanik, qaarsunik qaqqanillu ersersitsisoq. Uani ilisarnaat downloaderneqarsinnaavoq. Logo Logo_2