Paasissutissat

Programmi 2019 og Facebook

Programmi 2019: Aggerpoq Tammartajaarpit? Programmi takuuk : Unnuk Kulturisiorfik 2019 Program Facebook: Eqqaamallugu suliffeqarfittut Unnuk Kulturisiorfimmi aaqqissuussatit Facebookimi quppernernut begivenhediliarigukkit Unnuk Kulturisiorfiup Facebookimi quppernera aaqqissueqatitut ilanngussinnaagakku. Taamaalilluni Unnuk Kulturisiorfiup Facebookimut quppernerani pisussani nalunaarsukkanut ingerlaannaq ikkussinnaaniassammat.        

Nuup Bussii Unnuk Kulturisiorfimmi akeqanngitsumik ingerlaassapput

Arfininngorpat januaarip 19-anni Unnuk Kulturisiorfik 2019, nal. 18.00 – 22.00-llu akornanni Nuup Bussii akeqanngitsumik angalaassapput: Angallassinerit: Nuup Bussii 19.01.19   Taassuma saniatigut: Mittarfeqarfiit tikittarfimmut assartorneqarnissaq isumagivaa. Air Greenlandip toqqaannaq Air Greenlandimut assartorneqarnissaq isumagaa. Royal Arctic Linep umiarsualivimmut assartorneqarnissaq isumagaa. Nukissiorfiit bussit unittarfiata eqqaaniit aallartittoqarsinnaasoq neqeroorutigaat, tassanngaanniit el-biilit allaffimmutt siumut utimullu ingerlatsisinnaallutik.    

Aaqqissuisunut

Nuummi programimik tunniussivissaq kingulleq Pilersaarut kalaallisut qallunaatullu elektroniskimik nittartakkakkut nassiussinneqassaaq kingusinnerpaamik decembarip 20-anni 2018. Sinerissami Unnuk Kulturisiorfik Illoqarfitsinni Unnuk Kulturisiorfik qanoq ingerlanneqarsinnaava ? Illoqarfiit ataasiakkaat periusererusutartik namminneq aaqqissuussinermi atortarpaat, kissaatiginarporlu sapinngisamik ulloq Unnuk Kulturisiorfittut toqqarneqarsimasoq malinneqarnissaa, sinerissami ataatsikkut ingerlanneqarniassammat. Unnuk Kulturisiorfissatut ulloq toqqarneqarsimasoq tassaavoq arfininngorneq januaarimi qaammammusinissaq sioqqullugu. Unnuup eqqissisimasumik ingerlanneqarnissaa siunertarinerullugu. Aaqqissuisut nammineq aalajangertarpaat nalunaaqutaq qassinut aallartikkusunnerlutik aammalu qanoq sivisutigisumik ammarusunnerlutik. Piffinni assigiinngitsuni pisut sapinngisamik akeqanngitsumik ingerlanneqartarput innuttaasut tamaasa peqataanissamut periarfissikkusullugit. Illoqarfinni nunaqarfinnilu Unnuk Kulturisiornermi pilersaarutit www.kulturnat.gl-imut ilanngunneqarsinnaapput nalib@katak.gl-imut pilersaarutit nassiunnerisigut. Tunniussivissaq kingulleq Unnuk Kulturisiorfiup ingerlatilinnginnerani sapaatip-akunnera sioqqullugu.

Ilisarnaat

Ilisarnaammi qalipaatit atorneqartut nunatsinni qalipaatit allanngorartarnerat aallaavigaat. Aasami naasut uumasullu qorsunnik tunguusanillu allanngorartitaartut. Qaqqat, kangerluit iluliarsuillu tungujuaartunik allanngorartitsisut. Illoqarfiit nunaqarfiillu illunngui qalipaatigissaartut arsarnerillu soorlulusooq qalipaatinik ataqatigiissaariinnartut, soorlu tassa Unnuk Kulturisiorfik ukiup taarnerpaaffiani qaammarissigaangami. Unnuk Kulturisiorfiup nunarput tamaat ataatsimuulersittarpaa. Taamaattumik pingaartipparput ilisarnaammi nunap atuinnarnissaa. Ilisarnaammi killit erseqqissut takutinniarpaallusooq pinngortitap peqqarniissinnaanera ilulissanik, qaarsunik qaqqanillu ersersitsisoq. Uani ilisarnaat downloaderneqarsinnaavoq. Logo Logo_2